Om Vågen bedehusforsamling

styret

  • Håvard Brekkå (leiar)

  • John Martin Næss (nestleiar)

  • Inger Elisabeth Koch (styremedlem)

  • Irene Kolnes (styremedlem)

  • Sigrid Åreskjold (styremedlem)

  • Arne Voll (1. vara )

  • Endre Frafjord (2. vara)

Vedtekter for Vågen bedehusforsamling

1.0 Namn
Namnet på forsamlinga er Vågen bedehusforsamling.

2.0 Vedkjenning og tilhøyring
Forsamlinga står tilslutta Indremisjonsforbundet (ImF) og Norsk Luthersk Misjonssamband (NLM) og er dermed forplikta på Bibelen og vedkjenningsskriftene til den evangelisk lutherske kyrkja.

 Forsamlinga legg både NLMs og ImFs grunnreglar og retningslinjer til grunn. Ved ulikskapar forpliktar forsamlinga seg likevel til å fylgje retningslinjene til begge organisasjonane.

3.0 Formål
3.1 Formålet til forsamlinga er å utbreie Guds rike, både lokalt, i Noreg og i NLMs misjonsarbeid internasjonalt.

3.2 For å realisere dette (3.1.) vil forsamlinga primært ha fokus på

  • Regelmessige samlingar for ulike aldersgrupper

  • Å forkynne Guds ord, til vekking, omvending, fornying, oppbygging og kunnskap.

  • Fellesskap og omsorg

  • Evangelisering og utoverretta arbeid i nærmiljøet for å vinna menneske for Jesus

  • Trusopplæring for barn, unge og vaksne

  • Tenester basert på nådegåver og utrusting

  • Bønn og bønneteneste

  • Givarteneste

  • Å forvalte sakramenta, dåp og nattverd

  • Å legge til rette for konfirmasjon og gravferd dersom dette er ønskjeleg

  • Danning og styrking av foreiningar, bibelgrupper og andre kristne fellesskap

  • Leiartrening

  • Informasjon om arbeidet til NLM og IMF

4.0 Medlemskap

1. Medlemskap i forsamlinga kan teiknast av personar som:

a. Vedkjenner seg til den kristne trua.
b. Vil vere med og fremje formålet til forsamlinga.

2. Medlemmar betaler ein årleg kontingent, fastsett av styret.

3. Barn kan teiknast som medlemmar etter melding frå føresette. Barn under 15 år har ikkje stemmerett på årsmøtet.

5.0 Årsmøte

5.1 Årsmøtet til forsamlinga blir halde så tidleg som mogleg på nyåret.

5.2 Stemmerett på årsmøtet har alle medlemmar som har fylt 15 år og som har betalt medlemskontingent seinast 2 mnd. før årsmøtet.

Årsmøtesaker:

1.     Årsmelding og revidert rekneskap

2.     Val

a. Styre med varamedlemmar.

b. Revisor (det er ikkje krav om revisor som er statsautorisert eller registrert).

c. Valnemnd.

3. Samtale om arbeidet i året som gjekk og drøfting av visjon, målsettingar og arbeidsplan for arbeidet framover.

 5.4 Saker som skal behandlast på årsmøtet, må vere kunngjort på vanleg måte og minst tre veker før årsmøtet blir halde. Saker som medlemmar fremjar seinare eller på sjølve årsmøtet, kan ikkje realitetsbehandlast, men blir oversendt til styret for vidare behandling.

5.5 Valnemnd blir valt av årsmøtet. Valnemnda består av to personar som blir valde for to år om gongen. Den av medlemmane som har namn først i alfabetet har ansvar for kalle inn til første møtet i valnemnda. Valnemnda vel ein leiar på første møte.

6.0 Styret

6.1 Styret for forsamlinga er valt til å leie arbeidet i forsamlinga, i samsvar med punkt 2 og 3 i desse vedtektene. Styret leier arbeidet i forsamlinga innanfor rammene til Imf og NLM sine strategiar og målsettingar.

6.2 Styret består av fem medlemmar og to varamedlemmar. Styret konstituerer seg sjølve med leiar, nestleiar, sekretær og evt. andre funksjonar. Leiar for styret blir vald for eitt år om gongen. Valperioden for styremedlemmane er to år. Varamedlemmar blir valde for eitt år. Styremedlemmar kan veljast på ny, men kan ikkje sitje lenger enn 6 år samanhengande.

6.3 Styret førebur årsmøtet til forsamlinga og legg fram sakliste, årsmelding, revidert rekneskap og eventuelt andre saker.

6.4 Styret sørgjer for at hyrde- og læreansvaret blir ivaretatt i forsamlinga, ut frå ordningar og retningslinjer i Imf og NLM.

7.0 Økonomi

7.1 Forsamlinga tar ansvar for eige arbeid, ImFs og NLMs arbeid i Norge og NLMs misjonsarbeid internasjonalt.

7.2 Forsamlinga fører ein samla rekneskap for inntekter og utgifter i samband med forsamlingsarbeidet. Møtekollektar på forsamlingsmøte går normalt til den organisasjonen som har talar. Styret sørgjer for at ein del møtekollektar og går til forsamlingsarbeidet og til Vågen bedehus.

7.3 Dersom forsamlinga har midlar å avsjå ved slutten av året, blir desse fordelt likt mellom Vågen bedehus, ImF og NLM. Styret gjer denne vurderinga kvart år. 

7.5 Ved eventuelle tilsettingar skal forsamlinga rådføre seg med begge organisasjonane.

8.0 Endring av vedtektene

8.1 Endring av desse vedtektene kan bli vedtatt på årsmøtet med 2/3 fleirtall når forslag er sendt til styret minst seks veker før årsmøtet.

8.2  Endringar av vedtektene må ikkje vere i strid med grunnreglane i NLM og ImF.

9.0 Opphøyr

9.1. Skulle Vågen bedehusforsamling bli nedlagt eller oppløyst, blir midlar og eigedom delt likt mellom Indremisjonsforbundet og NLM Sørvest.

9.2. Samanslutning (fusjon) eller deling (fisjon) blir ikkje rekna som oppløysing. Vedtak om samanslutning/deling og nødvendige lovendringar i samanheng med dette blir gjort i samsvar med punkt 8 ovanfor. Styret skal i slikt tilfelle legge fram ein plan for samanslutninga/delinga som årsmøtet kan stemme over. Ved samanslutning eller deling må det innhentast samtykke frå eventuelle kreditorar til Vågen bedehusforsamling. 

Vedtatt på årsmøte 13.02.2020

Små justeringar (om valnemnd) gjort av årsmøtet 05.05.21.

Liten justering (om årskontingent) gjort av årsmøtet 08.08.23.